गोरखा दरबार गोरखा बजारको डाँडामा अवस्थित छ । यो शाह राजवंशसँग सम्बन्धित हो । यो दरबार पृथ्वीनारायण शाहको जन्मस्थान हो, वर्तमान नेपालको राजनीतिक भूगोल निर्माणको थालनी गरेका थिए । दरबार पहाडको टुप्पोमा रहेकोले यहाँबाट मनकामना, हिमशृंखला, र हरियाली पहाडी भेकको अद्भुत दृश्य देखिन्छ। दरबारको भित्री भागमा कालिका मन्दिर र गोरखनाथ मन्दिर रहेका छन्, जसले धार्मिक महत्त्व पनि बोकेको छ।
दारबारसम्म पुग्न झण्डै १७०० सिँढी उक्लनुपर्छ, जुन यात्रामा प्राकृतिक सौन्दर्य र ग्रामीण जीवनशैली अवलोकन गर्न पाइन्छ। दरबारको वास्तुकला परम्परागत नेवारी शैलीमा बनेको छ, जसमा काठको उत्कृष्ट कलाकृति देखिन्छ। यहाँ पुग्ने पर्यटकहरू ऐतिहासिक गौरव, वास्तुकला, हिमाली दृश्य, र स्थानीय जीवनशैलीको संगम अनुभव गर्छन्। गोरखा दरबार नहेरी गोरखा यात्रा अपूरो मानिन्छ।
