नगरकोट क्षेत्र सूर्योदयको दृष्यावलोकन लागि पनि प्रसिद्ध छ । यहाँ सूर्याेदय हिमालको कापीबाट विस्तारै निस्कने गर्दछ ।
नगरकोट राष्ट्रीय तथा अन्तर्राष्ट्रीय क्षेत्रमा अत्यन्तै लाेकप्रिय नेपालका पर्यटकीय गन्तव्यहरूमा एक हाे । अन्तर्राष्ट्रीय पर्यटकहरू जसरी नगरकाेट साेझिन्छन् त्यसरी नै नेपाली युवायुवतीहरू पनि साेझिरहेकाे पाइन्छ । तत्कालीन राजा वीरेन्द्रकाे राज्याभिषेक समाराेहका सहभागी शाही पाहुनाहरूलाइ यहाँ भ्रमण गराइएकाे थियाे र तबैदेखि याे पर्यटकीय क्षेत्रकाे रूपमा विकास र चर्चित भएकाे पाइन्छ ।
नगरकाेट काठमाडौँ उपत्यका नजिकको प्रसिद्ध रमणीय स्थल हो । यो राजधानी काठमाडौँबाट ३२ किलोमिटर उत्तर-पूर्वमा र भक्तपुर नगरबाट २० किलोमिटर पूर्वमा अवस्थित यो समुद्री सतहदेखि २ हजार ७५ मिटर उचाइमा रहेको छ । गर्मी मौसममा पनि चिसो वातावरण हुने यहाँकाे भाैगाेलिक अवस्थिति र शान्तिपूर्ण प्राकृतिक छटाहरू यस गन्तव्यकाे विशेषता नै हाे । मौसम सफा भएको बेला उत्तरमा मनमोहक हिमालयका चुचुराहरू छर्लङ्गै दे्ख्न पाइन्छ । साथै, विश्वको सर्वोच्च शिखर सगरमाथाको रोमाञ्चक दृश्यलाइ पनि अात्मसात गर्न पाइन्छ । सगरमाथाका अलावा यहाँबाट देखिने अन्य हिमाली चुचुराहरूमा धौलागिरी हिमश्रृङ्खलादेखि कञ्चनजङ्घा हिमश्रृङ्खलासम्मको मनास्लु, गणेश, लाङटाङ, गौरीशङ्कर, चोयु, ल्होत्से, मकालु हिमाल इत्यादि छन् ।
नगरकोट क्षेत्र सूर्योदयको दृष्यावलोकन लागि पनि प्रसिद्ध छ । यहाँ सूर्याेदय हिमालको कापीबाट विस्तारै निस्कने गर्दछ । सूर्याेदयसँगै अाकासमा छाउने लालीमालाइ पृथ्वभूमि बनाएर उड्रने पंक्षीहरूकाे दृष्य अत्यन्तै मनमाेहक हुन्छ । कतिपय त सूर्याेदयकाे अवलाेकन गर्नकै लागि नै नगरकाेटमा रात विताउन जानेहरू हुन्छ्न् । यहाँ सूर्याेदय मात्रै कहाँ हाे र ? सूर्यास्तकाे मनमाेहक दृष्य पनि देख्न पाइन्छ ।
नगरकोट जुनसुकै वर्गकाे पर्यटकलाइ पनि उपलब्ध छ । खानपिन तथा बसोबासका लागि सामान्यदेखि स्तरीय होटल तथा रिसोर्टहरू उपलब्ध छन् ।
सङ्घीयता लागू भएसँगै नयाँ स्थानीय तहको संरचना अनुसार यो चाँगुनारायण नगरपालिकाको एक मुख्य पर्यटकीय स्थल हो । नगरकोट काभ्रे जिल्ला र भक्तपुर जिल्लाको दोसाँधमा रहेको छ ।
