संसारको सबैभन्दा अग्लो चुचुरो सगरमाथाको उचाइ हालै गरिएकाे मापनअनुसार समुन्द्र सतहबाट ८,८४८.८६ मिटर रहेकाे छ । यस अघि यसकाे मापन ८,८४८ मात्रै थियाे । यही चुचुराेकाे फेदी अर्थात अाधार शिविरसम्म मात्रै गएर पनि पर्यटनकाे अभूतपूर्व अनुभव गर्ने पयर्टकहरू पाइन्छन् तसर्थ सगरमाथा अाधार शिविर पनि एक अाकर्षक पर्यटकीय गन्तव्य हाे । यो सोलुखुम्बु जिल्लाको खुम्बु पासाङल्हामु गाउँपालिकामा पर्छ ।
सगरमाथालाइ तिब्बती भाषामा चोमोलुङ्मा भनिन्छ । सन् १८६५ मा ब्रिटिस सर्भेयर कर्णेल सर जर्ज एभरेस्टकाे सम्मानमा याे हिमचुचुराेकाे नाम माउन्ट एभरेष्ट राखिए पनि यसमा नेपालतर्फ खासै चासाे बढेकाे थिएन । तर सगरमाथाकाे पहिलाे सफल अाराेहणपछि सन् १९५६ (विसं. २०१२) मा इतिहास शिरोमणि बाबुराम आचार्यले यसको नाम सगरमाथा राखेका हुन् । नामका सम्बन्धमा विवाद कायम छ ।
सगरमाथा हिमशिखरमा सर्वप्रथम सन् १९५३ मे २९ मा नेपालका तेन्जिङनोर्गे शेर्पा र न्युजिल्यान्डका सर एडमन्ड हिलारीले पाइला राखेका थिए ।
सगरमाथालाई नजिकबाट हेर्न आउनेहरू सगरमाथा बेस क्याम्पसम्म पुग्ने गर्दछन् । काठमाडैाबाट जिरी हुदै २२–२३ दिनको यात्रामा सगरमाथाको आधार शिविर पुगेर आउने पुरानाे बाटाेकाे ठाउँमा अब अन्य बाटाेहरू पनि खुलेका छन् । सोलुखुम्बुको सदरमुकाम सल्लेरी हुँदै १४–१५ दिनमा सगरमाथाको आधार शिविर पुगेर आउन सकिन्छ । त्यसैगरी, लुक्लासम्मको हवाई यात्रा पछि १०–११ दिनमा पनि सगरमाथाको आधार शिविर पुग्न सकिन्छ । लुक्ला, नाम्चेबजार, त्याङबोचे, गोरकसेप, लोबुचे यहाँका प्रमुख आकर्षण हुन् ।
