ह्याेल्माेहरूकाे थातथलाे हाे, हेलम्बु । सुन्दरीजलबाट थारेपाटी पुगेपछि देब्रे लागे गोसाइँकुण्ड र दाहिने लागे हेलम्बू पुगिन्छ । सिन्धुपाल्चोक जिल्लामा पर्ने हेलम्बु एउटा रमणीय पर्यटकीय ठाउँका रूपमा चर्चित छ । ह्योल्मो जातिको आतिथ्य सत्कार, सरसफाइ, चिज, गुम्बा र गुजुमुज्ज घरमा फहराइरहेका झन्डा अध्ययनका विषय हुन् । हेलम्बुको स्याउ पनि निकै चर्चित छ ।
हेलम्बु पाल्चोक थुम अन्तर्गत पर्दछ। चिसो हावापानी पाइने हेलम्बु प्राकृतिक रूपमा सुन्दर थलाे त हाे नै, साथसाथै साँस्कृतिक रूपमा पनि सम्पन्न ह्याेल्माे गाउँ हाे । यसकाे प्राकृतिक तथा सांस्कृतिक विविधताले पर्यटकलाइ लाेभ्याउँछ । यहाँबाट अवलाेकन गर्न पाइने मनोरम हिमश्रृङ्खला थप अाकर्षण हुन् ।
